Saturday, February 28, 2009

ನಗು..

ನಗು...
- ಗುರು ಬಬ್ಬಿಗದ್ದೆ

ನಕ್ಕು ಬಿಡು ಮನದೆನ್ನೆ
ನಕ್ಕು ಬಿಡು ಒಮ್ಮೆ
ನೀನು ನಕ್ಕಾಗ ಆಗುವುದು ಸರ್ವಾಂಗಗಳಲು ಹೆಮ್ಮೆ

ನಗಲು ನಿನಗೇಕೆ ಬರ
ಇರಲು ನಗುವಿನಲಿ ಶಕ್ತಿ ಪ್ರಖರ
ಆ ನಿನ್ನ ನಗು ಬೆಂದ ಜೀವಕ್ಕೂ ತಂಪಿನ ಆಸರ

ದು:ಖವನು ಮರೆಮಾಚಿ
ಹುಸಿನಗೆಯ ನಗದಿರು
ನಿನ್ನ ನಗುವಿನಲ್ಲೇಷ್ಟೋ ದು:ಖದಲಿ ಪಾಲಿಡು

ನಕ್ಕು ನಗಿಸಲು ಹೋಗಿ
ಅಳುವುದ ಮರೆಯದಿರು
ಸಾಂತ್ವನದ ಚುಂಬನಕೆ ಸುಖ ದು:ಖ ಕಲ್ಪತರು

ಒಂದೊಮ್ಮೆ ಅಳಲು ಹೋಗಿ ನಗಲು ಬಿಟ್ಟರೆ
ಜಗತ್ತು ನಿನಗಾಗಿ ಎಂದು ಅಳದು
ನಕ್ಕು ಬಿಡು ಮನದೆನ್ನೆ ನಕ್ಕು ಬಿಡು ಒಮ್ಮೆ

12 comments:

ಕ್ಷಮಿಸಿ ನಾ ಹೇಳೋದೆಲ್ಲ ತಮಾಷೆಗಾಗಿ said...

Hey awesome!!!!!!!!!!!!!!!

ಸಿಮೆಂಟು ಮರಳಿನ ಮಧ್ಯೆ said...

ಗುರು..

ಚಂದದ ಕವನ..

ಪ್ರೇಮ...
ಚೆನ್ನಾಗಿ ವ್ಯಕ್ತವಾಗಿದೆ...

ಅಭಿನಂದನೆಗಳು...

ಮನಸು said...

ಗುರು..
ನಗುವಿನಲ್ಲಿ ಏನೋ ಇದೆ... ಅದು ತಮ್ಮೆಲ್ಲ ನೋವ ಮರೆಸೋ ಶಕ್ತಿ ಇದೆ.. ನಗುವಿಂದೆ ಅಳು ಕೂಡ ಇದೆ ಆದರೆ ಅದ ಮರೆಸೋಕ್ಕೆ ನಗು ಕಾದಿರುತ್ತೆ.. ನಿಮ್ಮ ಕವನ ತುಂಬಾ ಇಷ್ಟವಾಯಿತು ಕವನದಲ್ಲಿ ತುಂಬು ಹೃದಯದ ಪ್ರೀತಿ ಇದೆ... ನಿಮ್ಮ ಹಾಗು ನಿಮ್ಮ ಮನದನ್ನೆಯ ನಗು ಚಿರಕಾಲ ಉಳಿಯಲಿ..

Dr.Gurumurthy Hegde said...

ಪ್ರೀತಿಯ ಮೂರ್ತಿ,
ತುಂಬಾ ಧನ್ಯವಾದಗಳು,

ಆತ್ಮೀಯ ಪ್ರಕಾಶಣ್ಣ,
ಪ್ರೇಮಕ್ಕೆ ಒಂದು ವ್ಯಕ್ತಪಡಿಸಲಾಗದ ಶಕ್ತಿಯಿದೆ. ಅದಿಲ್ಲದ ಜಗತ್ತು ಕಲ್ಪಿಸಿಕೊಳ್ಳಲು ಸಾದ್ಯವೇ?
ಅಭಿಪ್ರಾಯ ವ್ಯಕ್ತಪಡಿಸಿದ್ದಕ್ಕೆ ಚಿರಋಣಿ.

ಆತ್ಮೀಯ ಮನಸು,
ತಾವು ಹೇಳಿದ್ದು ನಿಜ, ನಗು ಒಂದು ಜೀವದಾಯಕ ಶಕ್ತಿ,
ಪ್ರಾಣೇಶ್ ಅವರು ಒಂದು ಮಾತು ಹೇಳುತ್ತಾರೆ,
"ಚಿಕ್ಕ ಮಕ್ಕಳ ನಗು ಸತ್ತವರನ್ನು ಬದುಕಿಸುತ್ತದೆ,
ಹರೆಯದ ಹುಡುಗಿಯ ನಗು ಬದುಕಿದವರನ್ನು ಸಾಯಿಸುತ್ತದೆ" ಅಂತ.
ನಗುತ್ತಿರಬೇಕು ಅಲ್ಲವೇ?
ತುಂಬಾ ಧನ್ಯವಾದಗಳು.

PARAANJAPE K.N. said...

ಹೆಗಡೆಯವರೇ,
ನಗು ಮತ್ತು ಅಳು, ಮನುಷ್ಯನ ಮಾನಸಿಕ ಭಾವನೆಗಳನ್ನು ಅಭಿವ್ಯಕ್ತಿಸಲು ಇರುವ ಸಾಧನಗಳು. ಈಗೀಗ ಭಾವನೆಗಳೇ ಸತ್ತುಹೋಗುತ್ತಿರುವುದರಿ೦ದ ಮತ್ತು ಭಾವನಾರಹಿತ ಸಮಾಜದಲ್ಲಿ
ನಾವಿರುವುದರಿ೦ದ ಇದರ ಅರ್ಥ ಬಹಳ ಜನರಿಗೆ ಮನದತ್ತಾಗುವುದಿಲ್ಲ. ಉತ್ತಮ ಕವನ. ನನ್ನನ್ನು ಬ್ಲಾಗ್ ರೋಲಿಗೆ ಸೇರಿಸಿಕೊ೦ಡಿದ್ದಕ್ಕೆ thanks.

Dr.Gurumurthy Hegde said...

ಪರಾಂಜಪೆಯವರೇ,
ನನ್ನ ಬ್ಲಾಗ್ ಗೆ ಆತ್ಮೀಯ ಸ್ವಾಗತ. ತಮ್ಮ ಅಭಿಪ್ರಾಯಕ್ಕೆ ಧನ್ಯವಾದಗಳು. ಹೀಗೆಯೇ ಬರುತ್ತಿರಿ.

ಚಿತ್ರಾ ಕರ್ಕೇರಾ said...

ಸಾಗರಾದಚೆಯ ಇಂಚರ..ಇದೇ ಮೊದಲಿಗೆ ನಿಮ್ಮ ಬ್ಲಾಗಿಗೆ ಪ್ರವೇಶ.
ಕವನ ಖುಷಿಕೊಟ್ಟಿತ್ತು....
-ಚಿತ್ರಾ

Dr.Gurumurthy Hegde said...

ಆತ್ಮೀಯ ಚಿತ್ರಾ,
ನನ್ನ ಬ್ಲಾಗ್ ಗೆ ಸುಸ್ವಾಗತ, ಹೀಗೆಯೇ ಬರುತ್ತಿರಿ,
ಧನ್ಯವಾದಗಳು.

Ganapati said...

Nice One!!!!

Chandrika said...

TuMbA chennAgide!!!!

Dr.Gurumurthy Hegde said...

Dear Chandrika, nanna blog ge swaagata, heege baruttiri

ಸಾಗರದಾಚೆಯ ಇಂಚರ said...

Ganapati, nanna blog ge swaagata