''ವಿಕೃತಿ'' ನಿನಗೆ ಸ್ವಾಗತ ಕೋರಿ

ಆತ್ಮೀಯ ಬ್ಲಾಗಿಗರೇ,
ಮತ್ತೊಂದು ಯುಗಾದಿ ಬಂದಿದೆ. ''ವಿಕೃತಿ'' ನಾಮ ಸಂವತ್ಸರದ ಯುಗಾದಿ ಸರ್ವರಿಗೂ ಸುಖದಾಯಕವಾಗಿರಲಿ ಹೊಸ ವರುಷ ಎಲ್ಲರ ಬಾಳಿನಲ್ಲಿಯೂ ಹೊಸ ಹರುಷವನ್ನು ತರಲಿ. ನಿಮ್ಮೆಲ್ಲರ ಮನೋ ಕಾಮನೆಗಳು  ಸಿದ್ದಿಸಲಿ. ಹೊಸ ವರುಷದ ಹೊಸ್ತಿಲಲ್ಲಿ ನಿಮಗೆ, ನಿಮ್ಮ ಕುಟುಂಬಕ್ಕೆ ಶುಭ ಹಾರೈಸುತ್ತಿದ್ದೇನೆ.

ಹಾಡಿತು ಕೋಗಿಲೆ, ಮಾಮರದಲ್ಲಿ

ಚಿಗುರಿತು ಮರ ಗಿಡ, ಜೀವನ ಚೆಲ್ಲಿ

ಬೀರುತ ಕಿರಣವ, ಭಾಸ್ಕರನಿಲ್ಲಿ

''ವಿಕೃತಿ'' ನಿನ್ನ ಕರೆಯುವೆವಿಲ್ಲಿ 

ನೋವುಗಳಂತೆ, ನಲಿವುಗಳು

ಹೊಸತನ, ಹೊಸಕ್ಷಣ, ಕನಸುಗಳು

ನಿನ್ನೆಯ ಮರೆಯದೆ, ಹೋದರೆ ಇಂದೇ 

ಇಂದಿನ ಸವಿಕ್ಷಣ, ಹಾಕುವೆ ಮುಂದೆ

ನವ ವರುಷದಿ, ನವ ಭಾವನೆ ಬೀರಿ

ನವಮಾಸದಿ, ನವ ಸಾಧನೆ ತೋರಿ

ಸೇರುವ ಗುರಿ, ಹಿಡಿ, ಒಲವಿನ ದಾರಿ

''ವಿಕೃತಿ'' ನಿನಗೆ ಸ್ವಾಗತ ಕೋರಿ