ಸಾಗರದಾಚೆಯ ಇಂಚರ...

ಇಂಚರವೋ, ಇಂಚರವೋ

ಸಾಗರದಾಚೆಯ ಇಂಚರವೋ

ಗೀತೆಯಲಿ, ಸಂಗೀತದಲಿ, ಅಂಚಲಿ ಮಿಂಚಿದ ಇಂಚರವೋ

ಜಿಗಿದಾಡಿವೆ ಬಾನಿಗೆ ಹಕ್ಕಿಗಳು

ಗೂಡನು ಮರೆತು ಹೋಗದಿರಿ

ನಭದಲಿ ಸೆಳೆಯುವ ಛಲವಿಹುದು

ಬೇರನು ಬಿಟ್ಟು ತೊಲಗದಿರಿ

ಹೊಸತನ, ಹೊಸಕ್ಷಣ ಹೊಸದು ನಿಜ

ಹೊಸದರಲಿ ಎಲ್ಲವೂ ಸಹಜ

ನಿಮ್ಮೆಲ್ಲರ ತನುವಿದು ಜತನದಲಿ

ಸತತವೂ ಇಹುದು ತಾಯ್ನಾಡಿನಲಿ

ಗೂಡಿಗೆ ಅದರದೇ ಅಧರವಿದೆ

ಉದರವ ಪೊರೆಯುವ ಸೆಳೆತವಿದೆ

ಸಾಗರದಾಚೆಗೆ ಸೇರದಿರು

ನೆಲವಿದು ನಿನಗೆ ಕಾಯುತಿದೆ